(جايلي منتج هعملّه اعلان
إيه الحاجات اللي أركز عليها في المنتج عشان أطلّع الكوبي والتصميم مظبوط
والاعلان عامةً)
أولًا في جزء محتاجين نرجع فيه لمقال (إزاي أعمل media plan)
ودة لإننا هنحط فيه النقط عالحروف ونوضح دور الميديا باير أصلًا
ولكن ✋ ✋
في حالة انك شغال في تيم مش مكتمل، ومحتاج تشتغل عشان تعمل برتفوليو
في وضع زي دة انت محتاج تعتمد على نفسك،، هانعمل ايه؟!
بسم الله
أول حاجة يا معلم تبص على صفحات المنافسين
من غير أي هدف محدد
انت يدوبك هتبص على صفحاتهم، قلّب في الكومنتات كدا، شوف البوستات اللي جايبة ريتش جامد
شوف طريقة كتابة البوستات، شوف أنواع الميديا المستخدمة، كدا يعني
شوفتهم ؟
skip بقى النقطة دي
اللي بعده
هاتمسك المنتج
تسألأ العميل أو تسيرش بنفسك
تشوف مين هو الجمهور بتاع المنتج دة
سنه؟ سكنه؟ تعليمه؟ مستوى دخله؟ وهكذا
دراسة العميل هاتخليك تعرف ايه أكتر كرييتف انت محتاج تشتغل عليه
وإزاي تخاطب العميل بلغة تشبهه ((هترجع في عقلك اللا واعي تربط دراسة العميل دي بالنظرة السريعة بتاعة المنافسين))
وصلنا لشكل الكرييتف ؟
اللي بعده
هنقول ايه في الكرييتف بقى ؟
يعني ايه يا رضوى ؟! هنتكلم عن المنتج وخلاص !
لا يامعلم مش وخلاص
كل عميل بيشتري حاجة فهو بيشتري لسببين
1 - انه عنده الـneed أصلًا للشراء
2- ان منتجك في ميزة تنافسية ميزتك على المنافس، والميزة دي فرقت مع العميل
إذن ف إنت بشكل أساسي مطلوب منك انك تركز عالحاجتين دول في الكرييتف بتاعك
سواء بقى هتشتغل UGCs أو graphic designs أو حتى motion
المهم انك تخاطب العميل بالـneed بتاعته وبالـ unique selling points بتاعتك وطبعًا بلُغة تشبه لُغة العميل وقريبة لقلبه
خلصنا الكرييتف ؟
اللي بعده
وهي أسهل مرحلة
التارجت: شايف دراسة العميل اللي درستها فوق
هتجيب مواصفات العميل دة وتتارجته
بس كدا!
طبعًا الحاجات دي مش كلها دور الميديا باير، ولكن كله خبرة لك زي ماتفقنا قبل كدا...
