إزاي نعمل خطة إعلانات
طبعًا السؤال دة شائك جدًااااااااااااااااا - لإن الطريقة بتختلف من فرد للتاني ومن خبرة واحدة لخبرة التاني
ولكن انا هاقول اللي أعرفه
خلينا نكون متفقين قبل أي حاجة ان دي خطة
يعني ايه خطة ؟ (ارجع لبوست الفرق بين الخطة والإستراتيجي)
خطة يعني هنعمل ايه امتى وازاي وبكام وليه
طيب مين بيعمل الخطة ؟
الموضوع دة شائك بردو - ولكن انا كرضوى بحب ان الميديا باير هو اللي يعملها بالتعاون مع الستراتيجيست او المركتنج منجير ((أيوة لازم يكون حد شغل اعلانات بنفسه قبل كدا))
طيب السؤال الأهم على الإطلاق بنعملها ازااااي ؟
اولاً لازم نحدد كذا حاجة:
1- مين التارجت اوديانس بتاعنا
2- ايه هدفنا من الإعلانات (مبيعات ولا اورنيس ولا ايه)
3- التوتال بادجيت المتاحة معانا (هو مين أصلًا اللي بيحدد البادجيت؟! - ساعات المركتنج منجير وساعات العميل على حسب مقدرته - وساعات المرحلة اللي بيمر بيها البيزنس هي اللي بتفرض علينا كلنا بادجيت لازم نبدأ بيها)
تمام حددنا
الخطوة الجاية بقى: بنعملها ازاي ؟
اعمل جدول
حط في كل صف التالي:
- المنصة
- هدف الحملة حسب الأهداف المتاحة في كل منصة وحسب هدف البيزنس
- عدد الإعلانات
- مدة كل إعلان
- البادجيت اليومية للإعلان الواحد
- النتائج المتوقعة (انا عن نفسي مابحبش احطها لاننا على ارض الواقع مانقدرش نحكُمها أبدًا - ولكن اذا كان ولابد - حط الحد الأدنى من أعداد الريتش)
في آخر الجدول هانحط التوتال بادجيت